Детали за огласот
Што ќе работиш ти?
Стигна нов дотур на овошје и зеленчук? Почнуваш да го отпакуваш, прегледуваш, сортираш, мериш, евидентираш и го редиш на соодветна позиција.
Гужва при прием на други производи? Го прашуваш главниот оператор на смена како можеш да помогнеш и се вклучуваш во другите сектори од магацинот.
Приметуваш дека нешто истекло на подот? Веднаш го земаш мопот и се погрижуваш да остане секогаш сè чисто и уредно.
Гужва во спремање на нарачките? Го прашуваш главниот оператор на смена како можеш да помогнеш и се вклучуваш во другите сектори на магацинот.
Пристигна нов дотур на свеж леб и други свежи производи? Почнуваш да го отпакуваш, прегледуваш, и редиш на соодветната позиција.
Нашите купувачи секогаш го добиваат најдоброто овошје и зеленчук? Периодично ја проверуваш секоја гајба, каде што е потребно прскаш со вода, преместуваш на пониска температура и ја отстрануваш втората класа и кало растурот.
Заврши твојата смена? Финално ја проверуваш состојбата на залихата на овошје и зеленчук и правиш список за потребен дотур.
Треба да се превземе некоја набавка? Со службеното возило одиш до добавувачот, ги прегледуваш производите и се уверуваш дека се со одличен квалитет, ги ставаш во комбето и ги носиш назад до нашиот магацин.
Вонредна ситуација кај доставувачите? Облекуваш униформа за достава и помагаш при доставата.